NOVAS
Cantigas e Agarimos: ¡COMO CHO CONTO !
A piques de celebrar o seu 90 Aniversario, Cantigas e Agarimos pretende con este espectáculo facer chegar ó público a nosa tradición a través do presente, amosando unha pequena escolma do noso traballo diario. Escollidas con mimo as fontes de recuperación entre os maiores, ¡Cómo cho conto! recréa as mellores mostras da ensinanza recibida. A través das súas diferentes seccións (coral, instrumental, grupo de baile e pandeireteiras), Cantigas e Agarimos presenta un espectáculo de calidade no que máis de 80 persoas tentan trasladar no tempo ao espectador, levándoo nunha viaxe imaxinaria pola nosa historia e as nosas raizames.
O espectáculo terá lugar os dias 8 de agosto ás 22:30h en Verín (Ourense), e 25 de setembro en Vilalba (Lugo).
Presentación do novo disco de Pradairo: Pateado
Desde o seu nacemento no outono de 2006 o grupo Pradairo adicou a súa andaina a afianzar paso a paso unha liña musical propia. Así comezou na primavera do ano 2007 gañando o certame de música folk Radio-Obradoiro, gravando máis tarde o seu primeiro disco (Aliaxe), e acadando o segundo posto no concurso de grupos noveis do Festival Intercéltico de Lorient 2009.
Todo este camiño desemboca na publicación do seu segundo disco "Pateado" no que Pradairo aposta por consolidar a idea musical para a que naceu, a reelaboración e a mestura de todas as caras que adoptou ó longo do tempo a expresión musical en Galicia.
A presentación terá lugar ás 21h o xoves 3 de xuño no Teatro Principal de Santiago de Compostela.
Agardámosvos.
Brandelia no ciclo "Revelando Voces"
O grupo de música Brandelia, seleccionado polo Concello de Santiago de Compostela para participar na nova edición de "Revelando Voces". Un ciclo de música que levará ós Centros Culturais o máis representativo das novas propostas musicais da cidade.
Presentación do disco Cantigas do Camiño
Presentación do disco "Cantigas do Camiño", no que artistas como Leilía ou o Trío Vaamonde, Lamas e Romero, interpretan temas nos que se lle rende homenaxe ao Camiño de Santiago.
Inicio do ciclo Músicas a carón da Mosqueira (Lugo)
A GAITA VAI Á IGREXA
O vindeiro luns 18 de xaneiro escomezará un ano máis a programación do ciclo Músicas a carón da Mosqueira. A primeira cita terá lugar na Igrexa de Santiago a Nova de Lugo, ás 20:30h , onde o gaiteiro Suso Vaamonde e o organista e multiinstrumentista Ernesto Campos, ofrecerán un orixinal concerto de gaita galega e órgano de tubos.
+ máis información
Tic-Tac, o novo traballo de Pablo Díaz
Froito dunha incesante actividade musical e vital, o multiinstrumentista e cantante galego Pablo Díaz, agasállanos por fin co séu primeiro traballo discográfico en solitario: Tic-Tac. Un disco para nenos grandes e pequenos. Con bases da música pop, rock, tradicional galega e moitas máis, Pablo Díaz embarca ós cativos nunha aventura fascinante: espertan ca canción do Tic-Tac, bailan co Rock do Porco Celta, viven mil contos que van arrolando a imaxinación. O libro-disco, publicado pola editorial Kalandraka, conta coas ilustración de Marc Taeger e un sinfín de colaboracións: Xabier Díaz, Guadi Galego, Carmen Rey, Ruote...
AXENDA DE CONCERTOS
25/08/2010 PÈSDELÁN - Noia
28/08/2010 LIMAGOIA - Melide
10/09/2010 PESDELÁN - Portodoson
25/09/2010 CANTIGAS E AGARIMOS: ¡COMO CHO CONTO! - Villaba (Lugo)
25/09/2010 PABLO DÍAZ TIC TAC - Centro Sociocultural A Ramallosa, Teo
08/10/2010 MAMÁ CABRA - Arzúa
17/10/2010 MAMÁ CABRA - Meaño
27/11/2010 21h LEILÍA TRADICIONAL - Rois
3/12/2010 MAMÁ CABRA - Boiro