A GAITA VAI Á IGREXA│ CONCERTO DE GAITA GALEGA E ÓRGANO DE TUBOS
Suso Vaamonde, gaita ● Ernesto Campos, órgano
A Gaita vai á Igrexa é un concerto de gaita galega e órgano de tubos para realizar en igrexas, abadías, capelas, catedrais... Da man de dous recoñecidos compositores e intérpretes galegos, Suso Vaamonde e Ernesto Campos, a música popular, tradicional, e mesmo a clásica devolven a vida a estes singulares auditorios.
Dous músicos cos seus instrumentos, sen máis aderezo, sen trampa nin cartón, convértense en dinamizadores idóneos destes espazos de incalculable valor cultural. Os temas que conforman o repertorio están arranxados polo organista Ernesto Campos, que con amenas explicacións fan desta proposta un espectáculo apto tanto para o público en xeral como para o auditorio máis esixente, como demostrou o éxito acadado en Trier (Alemaña, 2004 e 2007) ou en San Sebastián (2005).
Suso Vaamonde (Visantoña, A Coruña, 1970)
Suso Vaamonde é sinónimo de gaita galega. Formado en agrupacións fundamentais do folclore galego como Xacarandaina ou Aturuxo, o seu traballo coma intérprete, compositor ou estudoso da gaita convérteo nun referente ineludible. Membro do grupo de música tradicional do IGAEM dende 1994, realiza unha intensa actividade docente dentro e fora de Galicia, incluíndo a publicación de diversos libros de partituras e métodos para gaita. Ten acadados numerosos premios, entre eles o Constantino Bellón en dúas ocasións (1992 e 97) e publicado numerosos traballos discográficos.
Ernesto Campos (Vigo, 1966)
Músico de vocación tardía, empezou a súa andadura no conservatorio de música de Vigo, onde estudou, entre outras disciplinas, Gaita Galega e Guitarra. Intérprete, arranxista e compositor, unha boa parte da súa música foi gravada por artistas e grupos da talla de Xosé Luis Miguélez, Carlos Núñez, Xosé Manuel Budiño, ou Germán Díaz. Moitas das súas composicións forman parte do repertorio de numerosas bandas galegas e peninsulares. Actualmente é mestre de Gaita, Guitarra e Análise no conservatorio “Mayeusis” de Vigo, e colaborador coma compositor e arranxista con diversas agrupacións musicais.
DESCARGAS:
Fotos
merlobranco producións
Urb. As Camelias 6, 3º C
15883 Teo (A Coruña)
Tel / fax +34 981 807 642 / +34 615 400 050
producions[@]merlobranco.com
www.merlobranco.com
